SORSOGON CITY – Nasa 100 slots para sa libreng aplikasyon ng driving student permit ang ipinamahagi ng lokal na pamahalaan ng Castilla para sa kanilang mga residenteng nais kumuha ng driver’s license.
Sa impormasyong nakalap ng Brigada News FM- Sorsogon, naging posible ang aktibidad matapos makipag-ugnayan ang LGU sa Glapps Driving Academy.
Sa pamamagitan nito ay nakapag-enroll sa libreng theoretical driving class at nagkaroon ng pagkakataon na makakuha ng student permit for driving ang mga aplikante.
Base sa proseso ng LTO, bago makapag-proseso ng kanyang Non- Professional Driver’s License kinakailangan muna ng aplikante ng student permit.
