LEGAZPI CITY – Makikisumaro an lokal na gobyerno nin Camalig sa mga aktibidad ngunyan na taon sa pagmantenir kan kalinigan kan kapalibutan sa banwaan.
Parte ini kan saindang pagpartisipar sa nationwide launching kan programang KALINISAN (Kalinga at Inisyatiba para sa Malinis na Bayan) kasabay an Annual Community Development Day, kun sain makondusir sinda nin clean-up activity ngunyan na aldaw.
Kasarabay sa gigibuhon iyo an dredging kan baradong kanal, estero, asin iba pang pigbubulusan nin tubig, paglilinig sa tinampo, pagputol sa mga delikadong sanga nin kahoy, pagpakaray sa pagmanehar kan Materials Recovery Facility (MRF) asin iba pa.
Mientrastanto, kasarabay sa matabang sa aktibidad an mga parte kan TUPAD program asin mga volunteers sa banwaan.
