LEGAZPI CITY – Makalihis an apat na taon na wara nin kuryente sa nagkapirang kaharungan sa Sitio Bonglas, Brgy. Anopol, banwaan kan Polangui, Albay, matrayumpo na ining naibalik kan Albay Electric Cooperative, Inc. (ALECO).
Segun sa ALECO, nasa 59 na mga pamilya sa nasambit na lugar an nabenepisyaran kan pagbabalik supply kaini.
Apwera kaini, antes man an pagbabalik supply nin kuryente sa lugar, nakaresibe man an mga pamilya nin mga kaipuhan sa urualdaw siring kan mga pagkakan asin mga school supplies.
Parte su boot ini kan proyekto kan kooperatiba sa pagtataong ligtas asin reliable na kuryente sain man sa probinsya.
