Mahigpit nga gina bawae ni Bacolod City Mayor Evelio Leonardia ru Leisure travel sa tunga it Bacolod City ag Panay Island bilang resolution kontra sa COVID-19 Delta variant.
Base sa Executive Order 39-A, Series of 2021, gin hambae ni Leonardia nga kinahangean nga fully vaccinated ru mga residente it Bacolod, mag-presenta it negative swab test result nga epektibo eamang sa sueod it 72 hours bago ag pag-abot sa Bacolod.
Dugang pa ni Leonardia nga gin paandaman na ru mga opisyal it Department of Health (DOH) angot sa daywang COVID-19 Delta variant cases sa Panay.
Ru Bacolod City hay gin paidaeom sa general community quarantine (GCQ) with heightened restrictions samtang ru Iloilo province ag Iloilo City hay gin paidaeom sa enhanced community quarantine (ECQ).
Tanan nga mga leisure travel halin sa Panay Island hasta sa Bacolod City hay mahigpit nga gina bawae apang padayon nga gina pasugtan ru mga goods ag cargoes delivery vehicles nga may maximum nga limang katawong ru sakay.
Samtang, gina pasugtan ru mga Authorized Persons Outside their Residences o APORs ng amag byahe sa Panay Island paadto ag pasueod sa Bacolod City.//MARIVIC Y. ILIN
