LEGAZPI CITY – Pigkukwestyon kan nagkapirang residente kan Brgy. Taysan, Legazpi City kun nata ta sundo ngunyan dai pa nahahale sa tinampo an nasulong truck na pagrugaring kan LGU Manito, Albay kan nakalihis na semana.
Katakod kaini, pig-eksplikar sa Brigada News FM Legazpi si City Task Force Kalinisan at Kaayusan head Mark Andy Marbella, ini huli ta presente pang pig-iimbestigaran o pig-aaram kan PNP asin BFP kun ano an totoong rason kun nata ta nasulo ini.
Nakipagkoordinar naman sinda sa mga naunambitang ahensya nganing tulos nang maasikaso ini orog na ta nahahandal an mga residente na pwedesir ini magkawsa ki aksidente dahil ta nasa kurbada ining parte kan tinampo.
Magigirumduman na nasulo an truck kan Mayo 31 mantang papasiring sentro huli ta kaibahan kuta ini sa float competition kan Magayon Festival.
[Credits to the owner of the photo]
