LEGAZPI CITY – Pigklaro kan Legazpi Local Youth Development Office (LYDO) na kukuwaon sa pondo kan Sangguniang Kabataan (SK) an anuman na mga bayadan para sa mandatory training kan mga nanggaranang SK officials.
Sa intrevista kan Brigada News FM Legazpi kay LYDO head Dar Perez, Jr., sinabi niya na basado ini sa guidelines na iniluwas kan National Youth Commission asin Department of Interior and Local Government.
Nin huli ta dai pa man ini mapoproseso sa ngunyan, an mga SK officials na maatendir kan training, nag-abunar muna.
Alagad pigsyerto man ni Perez na makakabalik an saindang ginastos hale sa personal na kwarta sa paagi kan reimbursement huli ta may resibo man na itatao.
Mientrastanto, tinawan-doon man ni Perez na an mandatory training sarong requirement para sa nangganang SK officials sa pag-assume ninda kan posisyon.
