LEGAZPI CITY – Wara ki nanutarang danyos sa sektor kan agrikultura sa syudad nin Legazpi katakod kan nagpapadagos na El Niño phenomenon.
Ini an kinumpirmar ni City Agriculturist Shiela Nas sa Brigada News FM Legazpi.
Segun saiya, nakakaeksperyensyar paman ki mga pag-uran an syudad bako siring kan ibang mga lugar.
Sinabi man ni Nas, dai na maray apektado an produksyon nin paroy, gulay asin iba pang commodities.
Amay pa sana kaya, nagpreparar na an lokal na gobyerno para sa nasambit na phenomenon kun sain nakapagdistribwer ki nagkapirang units nin water o irrigation pump sa mga lugar na may water sources siring kan mga salog o balon.
