LEGAZPI CITY – Mas hihigotan kan Legazpi City Task Force Kaayusan at Kalinisan an pagpapautob kan mga ley sa tinampo ngunyan na mabukas na an klase ka siyudad.
Segun kay Mark Andy Marbella, namamayo kan task force, mas magigin mahigot sinda ngunyan huli sa mga dai nagsusunod sa road signs sa tinampo.
Pigsiyerto ni Marbella na dai ninda basta-bastang papalusoton an mga mabalgar maski pa an mga opisyal kan gobyerno.
An mga lakdang na ini, ipapautob ninda huli ta pauru-utro na subuot an problema sa obstruction sa tinampo.
Hasta sa ngunyan, dai pa man pigsusunod an mga pigpapautob na mga signs siring kan loading, unloading asin dakol pa an mga nanunutarang illegal parking na iyo an mga nagiging kawsa sa magabat na trapiko.
