LEGAZPI CITY – Kinumpirma ng Albay Electric Cooperative (ALECO) na ang Legazpi City ang nanguna at may pinakamalaking revenue collection sa nakalipas na anim na buwan.
Sa tala ng ALECO, nasa PHP1,519,484,566 o katumbas ng 56% ang revenue na nakukuha ng kooperatiba mula sa mga member-consumers sa lungsod.
Ito naman ay sinundan ng 3rd district na may PHP665,691,367 o 24%, habang ang 1st District naman ang panghuli na may PHP523,340,499 o 20% ng share sa revenue collection ng ALECO.
Nangunguna naman ang residential sa mayroong pinakamalaking ambag sa revenue ng kooperatiba.
Ang nasabing ambag ay aabot sa PHP1.4 billion o 49.45% na sinusundan naman ng commercial na mayroong PHP8B o 28.65% habang pangatlo ang public building na may PHP2B o 8.65% share sa revenue collection ng ALECO.
