LEGAZPI CITY – Dawa enot nang sinabi kan Legazpi City Agriculture Office na wara sinda ki nanutarang danyos sa sektor kan agrikultura, dai man giraray ninda siyerto kun masusustener ini hasta sa mga masunod na bulan.
Segun kay City Agriculturist Shiela Nas, sa mga masunod kaya na bulan, piglalaoman ninda na mas magigin mainit pa an panahon.
Alagad hagad man giraray ninda na magigin maray an estado kan agrikultura kan syudad sa mga panahon na ini.
Mientrastanto, tinawan-doon ni Nas na sa ibong kan El Niño, dai maray pigpoproblema an supply nin tubig sa may parte kan northern barangays bako arog sa southern parts na kadaklan rainfed asin kulang an supply nin tubig.
