GIANGKON ni Gensan School Division Supt. Romel Flores nga adunay ginatawag nga “learning gap” sa mga estudyante sa dakbayan mao nga sila ang nagapaningkamot nga marespondehan ang maong kakulangan sa mga nagatuon.
Gawas sa learning gap, gipamahayag usab niini nga tinuod ang mga obserbasyon nga adunay mga estudyante nga dili gyud makamaong mobasa ug mosulat mao nga ginaintensify na nila ang reading ug numeracy activity.
Kalabot niini nagapakig-alayon na matud pa ang ilang buhatan sa LGU aron nga maka-hire sila og ginatawag nga learners support aid nga mao ang magatudlo sa mga magtutungha nga dili pa makamaong mubasa ug magsulat.
Kahinumduman nga niadtong nakalabay nga mga adlaw sa budget hearing sa Senado nahisgotan ang kresis karon sa sector sa edukasyon sa nasud ug nigula pinaagi sa Programme for International Student Assessment (PISA) nga ang Pilipinas ang anaa sa tumoy nga pwesto gikan sa 79 ka mga nasud sa reading comprehension ug second-lowest sa parehong mathematical ug scientific literacy.
Hinuon sa PISA gipamahayag ni Flores nga wala naapil ang Gensan Division human nga random ang pagpahigayon sa maong assessment sa mga estudyante. I Danny Casi
