Ipahigayon sugod karong adlaw, Hulyo 8 ngadto sa Hulyo 13 ang Learners’ Convergence Philippines 2024 sa Lapu-Lapu City.
Ang maong kalihukan gipasiugdahan sa Department of Education (DepEd) nga maoy pinakadako nga face-to-face engagement sa mga tinun-an, kabataang lider, ug mga education stakeholders nga mga representante sa 228 ka mga schools division offices gikan sa 17 ka mga rehiyon.
Karong adlaw, gilauman sa dakbayan ang pag-abot sa 3,000 ka mga delegado ug andam na usab ang mga billeting schools nga modawat kanila.
Niadtong Sabado, gisusi na usab sa mga kapulisan ang mga tunghaan nga gigamit nga billeting areas aron sa pagsiguro sa kaluwasan sa mga mopartisipar.
Ugmang adlaw, opisyal nga buksan ang maong kalihukan ug lauman ang presensya ni Vice President Sara Duterte.
