Daghang mga armas ug arm cache ang laumang marekober ug mga sakop sa Communist Terrorist Group (CTG) ang mosurender sa nagkadaiyang unit sa Eastern Mindanao Command Easten Mindanao (EastMinCom), nunot sa sunod-sunod nga operasyon ug pagrespondi sa mga crucial information gikan sa mga kanhing rebelde.
Sumala kang EastMinCom Commander LtGen. Greg Almerol, ang mga accomplishment sa EastMinCom gisabayan sa taas nga ihap sa mga CTG members ug leaders nga mibalik sa sabakan sa balaud gumikan sa kapakyas nga matuman sa walhong grupo ang mga panaad ug walay undang nga operasyon sa militar.
Ang pahayag sa opisyal nunot usab sa pagkarekober sa tulo ka tag-as nga matang sa armas human sa rebelasyon nilang Jonel Pasco alyas Joel Gonggong ug Mubo Mansumoy, ug Alyas Ram.
Ang gihimo matud pa sa mga kanhing rebelde ang paagi sa ilang pasalamat sa mga supurta ug benipisyo nga ilang nadawat gikan sa gobyerno human nga sila mibiya sa kalihukan og mibalik sa sabakan sa balaud.
Gidason sa EastMinCom Commander nga andam ug gisaad sa mga former CTG leaders ug members nga suportahan ang kampanya sa gobyerno nga tuldukan na ang local communist armed conflict sa 2022.
