Miabot sa 253,032 indibidwal ang nabakunahan sa Bayanihan Bakunahan sa tulo ka adlaw nga National Vaccination Days sa rehiyon onse.
Ang maong ihap mao ang partial official data sa Department of Health region XI kung asa ang Davao del Norte ang dunay pinakdaghang ihap sa nabakunahan nga miabot sa 84,349.
Misunod ang Davao City nga may 52,342, Davao del Sur 39,244, Davao de Oro, 36,383, Davao Oriental 31,012, ug Davao Occidental 9,723.
Tungod niini padayong nanawagan ang DOH XI sa mga wala pa nabakunahan nga modangop lamang sa mga vaccination hub aron mahatagan og proteksyon sa nagpadayong vaccination rollout.
