Nataban sang wala makilala nga mga kawatan ang isa ka unit sang laptop matapos ginsulod ang boarding house sa bahin sang Brgy. 10, Roxas City takna alas 5:00 kahapon sang aga, Hulyo 27.
Suno kay alyas “Nene”, isa ka estudyante kag tag-iya sang laptop, sang ini ang nagbugtaw, may nabatian siya nga tingog sang kalalakihan nga naga-istoryahanay sa guwa sang iya bintana kag ulihi nalang sini na diskubrehan nga naga-ululukay na ang ila mga kagamitan kag ginsulod na gali sila sang kawatan kun sa diin nataban gid ang laptop niya nga nagabalor sang masobra P30,000.
Dugang pa sang biktima, wala niya makit-an ang nawong sang mga suspek kag ang laptop niya nga ginkawat ang wala man sang password. Nagapanawagan ini sa publiko nga kun sin-o man ang mabaligyaan sang laptop nga Acer, color blue ang indi pagbaklon kag i-report sa kapulisan ang nagabaligya agud madakpan. | Judy Ann Juare
