NAKABENEPISYO sa Sulong Saka Lending Program sa Land Bank of the Philippines ang 214 ka farmer-borrower sa rehiyon hangtud atong Hulyo.
Mokabat usab sa halos P3.3 bilyon ang na-release sa Land Bank sa mga loaner. Kalabut niini, nanawagan si Land Bank Vice President ug General Santos City Lending Center Head Eden Japitana sa mga mag-uuma nga moapel sa maong lending program.
Kini aron magamit isip kapital, pagpangpalit og ekepo ug pagpatukod og mga production facilities. Matud kang Japitana, ang mga mag-uuma ang mag-a-apply sa programa aron makaloan og hangtud 90% sa ilang produksyon. Samtang ang mga Small Micro Enterprises o SMEs usab ang mahimong manghiram og hangtud 80% sa ilang panginahanglang ekepo.
Tambag ni Japitana sa mga mag-uuma nga buot mo-apply sa programa ang moadto sa ilang buhatan sa Koronadal City, Kidapawan ug General Santos City Lending Center. I Richel Gubalani
