Arestado ang isang lalaking kumukuha ng police clearance sa Las Piñas City matapos matuklasang may kinaharap itong kaso.
Ayon kay Police Col. Jaime Santos, hepe ng Las Piñas City, lumitaw sa kanilang e-warrant na may kaso pala ang suspek ng paglabag sa violence against women and children at malicious mischief na inisyu ng korte sa Mandaluyong.
Aniya, kalimitan sa ibang lugar dumadayo ang mga may kaso dahil nagbabasakali na kumuha ng police clearance.
Sa ngayon, nasa custodial facility na ang suspek sa Las Piñas City Police.
