Malampuson nga nadakpan ang usa ka Electronic Technician nga nagbitbit og marijuana atol sa gihimong inspeksiyon sa mga pasahero diha sa Sirawan checkpoint.
Una niini, samtang gipalinya ang mga pasahero sa bus aron nga muagi sax ray machine ug macheck ang mga dalang gamit, nasiplatan sa otoridad ang usa ka wala mailhi nga lalaki nga miitsa og coinpurse hinungdan nga dali kining gisusi ug didto nasayran nga duna diay kini sulod nga duha ka pakete sa marijuana.
Gibana-banaan nga mutimbang sa kapin kon kulang 4.25 grams ang maong marijuana nga nakuha gikan sa suspek nga nailang si MARR Anthony Guino Orais, 33 anyos, ug residente sa Bula, Zone 7, General Santos City. Mikantidad ang maong marijuana og Php 722.5.
Kasmatangan, anaa na sa kustodiya sa Toril PNP ang suspek samtang gihikay na ang mga dokumento alang sa pagpasaka og kaso batok sa nahisgutan.
