Nagbuy-od ug wala na mahitsura ang nawong nga napalgan ang patay’ng lawas kagahapon sa buntag sa kabagnotan nga bahin sa Purok Namnama, Brgy. Cuambogan sa Tagum City sa lalaki nga una nang gi-report nga missing kaniadto pang Sabado sa gabii.
Ang patay’ng lawas nailang si Jun Cesar Saturinas nga residente sa Uraya, Tagum City.
Sa inisyal nga impormasyon, bandang alas otso kagahapon sa buntag sa dihang nakit-an kini sa usa ka babaeng namaligya og isda.
Sumala pa nga igo ra unta kini mangihi sa dihang nakapanimaho kini og dili maayong baho ug nakurat nalang sa dihang nakit-an ang lawas sa lalaki nga anaa na sumala pa sa state of decomposition.
Sa crime scene, narekober sa otoridad ang pitaka sa biktima, sling bag ingon man ang gigamit niining helmet, apan ang bag-o sumala pa niining motor nahanaw na.
Sa report gikan Tagum PNP usa ka pastor ang biktima sa usa ka Christian Church sa La Filipina.
Kasamtangan, padayon pa ang imbestigasyon sa otoridad labot sa maong krimen.