Bangkay na sang masapwan ang lawas sang 38-anyos nga lalaki kag ginreport nga missing matapos gin-anod sa suba sang Barangay Lawaan, Dumarao sang nakaligad nga Hunyo 26, 2023.
Ginkilala ang biktima kay Michael Padernilla residente sang Sitio Binangkawan, Barangay Bungsuan sa nasambit nga banwa.
Sa impormasyon nga nakuha sang Brigada News FM sa Dumarao Municipal Police Station, ginapahayag sini nga yara sa impluwensya sang makahulubog nga ilimnon ang biktima kag nagtabok sa overflow sakay sang iya motorksiklo.
Mabalik pa kun tani si Padernilla para tabangan ang mga kaupdanan niya nga yara sa piyak nga lawod apang nadulaan ini sang balanse kag hinali lang nga gin-anod sang makusog nga current sang tubig.
Gilayon nga nagpatigayon sang search and retrieval operation ang mga otoridad apang napaslawan ang mga ini, pero takna alas-8 sang myerkules nga adlaw nakita sang isa ka residente ang lawas sang biktima sa suba sang Barangay Bugsuan nga nagalutaw-lutaw.
Sa karon yara na sa isa ka punerarya ang bangkay ni Padernilla. | KMD Gicalde
