NADALA sa tambalanan ang usa ka lalaki human nga napalgang samaron sa usa ka dalan sa Barangay Calumpang, GenSan.
Subay sa talaan sa Tambler Police Station ang biktima naila nga si Rande Hijara Nabuya, 45-anyos, bulag sa asawa ug nagpuyo sa purok Quilantang sa maong barangay.
Unang nakarespondi sa nahimutangan sa biktima ang mga miyembro sa BPAT sa barangay unya gidala kini sa Dr.Jorge P. Royeca Hospital, gumikan sa samad sa tuo nga kilid sa lawas.
Sa imbestigasyon nigawas nga hubog ang biktima unya naagihan sa grupo sa mga kalalakin-an unya gidunggab sa hait nga hinagiban igo sa kilid nga bahin sa lawas. I Ver Diazon