Patay ang isang streetsweeper matapos mabagsakan ng poste ng kuryente ang sinasakyan nitong tricycle.
Ayon kay Police Lt. Col. Ryan Manongdo, hepe ng Antipolo City Police – biglaan na lamang bumigay ang poste kung saan tumama sa mismong kinauupuan ng biktima.
Sinabi naman ni Manongdo na puwedeng tanggapin ng pamilya na ito’y aksidente lamang pero hindi ibig sabihin nito na walang mananagot dahil may nasawi.
Nakatakdang mag-usap ang pamilya ng pumanaw na streetsweeper, ang tricycle driver at representative ng Meralco, ngayong araw.
Napag-alaman na ang titingnang kaso ng Antipolo Police laban sa nabanggit na insidente ay civil liability.
