PATAY ang usa ka lalaki human kini mabanggaan og SUV sa Dacera Avenue, Mabuhay Road, Brgy. City Heights, Gensan.
Nahitabo ang insidente ala 1:43 sa kadlawon, sa Agosto 14.
Samtang, sa impormasyon sa Traffic Enforcement Unit (TEU) GenSan wala pay ilhanan ang biktima nga gibana-banaang 30-anyos ang pangidaron, nakasul-ob og pink nga sanina, ug brown nga short pants dayon naka-tsinelas.
Sumala pa sa usa ka gasoline boy nga si Jayson Digan pirme na niyang makita ang biktima nga magbaktas sa lugar matag kadlawon ug nakurat kini sa nahitabo sa biktima.
Gisulayan sa news team nga kuhaon ang bahin sa drayber sa SUV apan wala kini nagatubag sa tawag.
Nanawagan ang kapulisan sa mga nawad-an og kabanay nga moadto sa ilahang presento sa posibleng ilhanan sa biktima.
Samtang, sa karon gi-impound sa TEU ang SUV hangtod nga walay mopatim-aw nga pamilya sa biktima. Ang patayng lawas sa lalaki anaa karon sa usa ka lokal nga punerarya sa GenSan. I Enamie Mogpon
