Nasakote ang isang lalaki matapos ang isinagawang drug buy-bust operation ng pinagsama-samang pwersa ng mga awtoridad sa Barangay Domoit, Lucena City nitong Miyerkules, Enero 10.
Kinilala ang nadakip na suspek na si alyas “Marco”, 41-anyos at residente ng Brgy. Anos, Tayabas City.
Nasabat kay alyas Marco ang mahigit limang (5) gramo ng hinihinalang shabu na tinatayang nagkakahalaga ng mahigit ₱104,000 at ang boodle money na ginamit sa operasyon.
Nahaharap ngayon sa kasong paglabag sa Republic Act 9165 o Comprehensive Dangerous Drugs Act of 2002 ang suspek.
