WAY SWERTE nakabsan sa hinulaman nga kinabuhi diha-diha dayon, ang usa ka lalaki nga nahitabo kagahapong adlawa Hulyo 5, tuig 2021, sa may alas 6:00 ang takna sa buntag.
Giila ang biktima nga si Basilio Celorio, 44-anyos nga kasamtangan nagpuyo P-4 Brgy. Tabid Ozamiz City nga gikan sa Maigo Lanao del Norte.
Sa nakuha nga impormasyon sa mga residente sa P-2 Brgy. Labinay, sa mga nakasaksi sa maong panghitabo upat ka mga buto-buto sa pusil ang ilang nabati, og paglantaw, ila nalang ang biktima nga nagkadugo og nagakulob sa dalan. Paingon matud pa, ang biktima sa iyang trabaho sa Gaincoco isip usa ka payloader operator.
Basi sa ilang nakita, ang suspect nakasakay sa single motor nga mio black ang color, walay plate number og ang suspect gahelmet, naka facemask, gajacket nga adunay daghang color, nakasul-ob ug karsonis nga maong, ug ga bagpack nga color maroon.
Samtang, ang suspetsado padayon pang gipangita sa kapulisan hantud karong panahuna, ug padayon pa usab ang pakisusi sa mga otoridad ug unsa ang hinungdan sa naasoy nga pag pamusil patay sa biktima._BNFM Oroquieta
