ARESTADO sa kapulisan sa GenSan ang usa ka lalaki nga gikonsiderang most wanted sa City level tungod sa kasong pagpanglugos.
Giila ang dinakpan nga si alyas Dong, 34-anyos, minyo, ug residente sa Purok Bliss, Barangay Calumpang.
Nasikop kini pasado alas singko sa hapon pinaagi sa pagsilbi og warrant of arrest sa mga sakop sa GenSan City police office. Basi sa impormasyon sa GSCPO mikabat sa P180, 000 ang gikinahanglang pyansa sa dinakpan sa duha ka ihap sa kasong pagpanglugos nga gipagawas sa 11 th judicial region branch 11 sa GenSan, Hunyo 20 sa kasamtangan nga tuig.
Sa karon, balhog sa selda sa Tambler police station ang dinakpan ug naghulat kini og commitment order padulong sa Lanton reformatory center. I Enamie Mogpon
