ADUNA nay mga persons of interest ang kapulisan sa pagpusil-patay sa usa ka mananagat sa Purok Balunto, Barangay Labangal, GenSan. Sumala ni PMajor Carl Jayson Baynosa, hepe sa Makar police station usa sa ilahang gisundan sa imbestigasyon ang bahad nga naangkon sa biktima kalabutan sa utang.
Dugang pagbutyag ni Baynosa gipalawoman nila ang imbestigasyon sa krimen aron mahatag sa pamilya ni Luciano Caligid ang hustisya. Una nang narekober sa kapulisan sa crime scene ang usa ka basiyo sa caliber 45 nga pusil nga gigamit sa wala mailhing mga suspek.
Ginasuta na usab sa Makar police station ang mga cctv camera sa lugar nga posibleng nakakuha sa panghitabo. Kahibaloan, pauli na ang biktima sakay sa motorsiklo sa iyahang amigo dihang gipusil sa armadong tawo ug nahagba kini sa dalan atubangan sa panimalay sa mga residente sa Purok Balunto, Labangal. I Enamie Mogpon
