Dakop kang mga otoridad ang sangka lalaki sa kaso nga pagbayolar kang iligal nga pagpangisda sa bahin kang Playa St. Brgy. Poblacion, Patnongon sa takna nga las-11:30 sa aga, Mayo 22,2024.
Ginkilala ang lalaki kay Jomari Magtiza 42-anyos nga lalaki, kasado, sangka manugpangisda kag residente kang amo man nga lugar.
Natigayon nga madakpan ang persona, pinaagi sa ginpatigayon nga anti-illegal fishing operation kung sa diin natukiban nga wara kang permit ang nasambitan nga pumpboat.
Sa paghinakop ron kang PAtnongon Municipal Police Station ang persona para sa imbestigasyon kag dokumentyasyon antis pagasayluhon sa Municipal Environment and Natural Resources Patnongon.
