LEGAZPI CITY – Dakop kan mga otoridad an sarong lalaki na may kinakaatubang na kasong frustrated murder sa Brgy. Poblacion, banwaan kan Rapu-rapu, Albay.
Ikinondusir an operasyon sa pangengenot kan Rapu-rapu PNP, katuwang an Labo MPS asin Alpha Coy 9th Infantry Battalion kan Philippine Army na ikinaarestar kan akusado sa kusog kan mandahamiento de aresto para sa nasambit na kaso na pirmado kan Disyembre 15, taon 2008.
Maabot man sa dosyentos mil de pesos na kantidad an inirekomendar na piyansa kan korte para sa saiyang temporamenteng libertad, asin presenteng nagtetenir sa kustodiya kan Rapu-rapu MPS para sa magkakanigong disposisyon.