GIPA-PRAYORIDAD sa labaw sa Police Regional Office (PRO) 12 sa kapulisan sa GenSan ang pagresolba sa kaso sa lugos.
Partikular ang kaso sa pagpanglugos patay sa 7-anyos nga si Princess Arian ug paglugos sa 10-anyos nga batang babaye.
Matud ni Police Col. Nicomedes Olaivar Jr., director sa GenSan City Police Office (GSCPO) kini ang gimandu kaniya ni Brig. Gen. Percival Augustus Place, director sa PRO-12.
Kini usab ang gimandu niya sa mga hepe sa presinto asa nahitabo ang insidente.
Ang kaso sa pagpatay kang Princes Arian ang sobra na bulan, wala pay napasaka nga kaso ang kapulisan.
Samtang gihulat na lang sa Tambler Police Station sumala pa ang resulta sa gihimong DNA testing.
Sa datus sa GSCPO, gikan Enero hangtud karong bulana 29 ka kaso sa lugos ug acts of lasciviousness ang narekord sa GSCPO. I Richel Gubalani