LEGAZPI CITY – Arestado an sarong lalaki sa Purok Boulevard, Brgy. Rawis, Libon, Albay nin huli sa kasong frustrated homicide.
Binisto ining si alyas “Jojo”, 51 anyos asin residente kan nasambit na barangay.
Susog sa impormasyon, pinangenotan kan personahes kan Libon PNP kaibahan an iba pang yunit nin pulisya an pag-arestar sa suspek sa kusog kan mandahamiento de aresto para sa nasambit na kaso na may piyansang maabot sa PHP72,000 para sa saiyang temporamenteng libertad.
Presente na ining nagtetenir sa nasambit na hepatura para sa magkakanigong disposisyon.