LEGAZPI CITY – Arestado an sarong lalaki sa ipigkasar na drug buy-bust operation sa Brgy. La Purisima, banwaan kan Polangui kan kaparehong probinsya.
Binisto ining si Norlito Periabras y Largo, 53 anyos, may agom asin residente kan kaparehong barangay.
Susog sa impormasyon, nagkondosir an Polangui MPS kaibahan an iba pang yunit nin nasambitan na operasyon na nagresulta sa pagkakaarestar kan suspetsado kun sain nakumpiskar an sarong unit nin caliber 38 revolver, PHP500 na kantidad nin kwarta kaibahan an iba pang boodle money, apat na transparent plastic sachets nin pinagtutubudang “shabu” na igwa nin timbang na poko mas omenos 10 grams asin may pigkakalkulong kantidad na PHP68,0000.
Nasa kustodiya na kan pulisya an naarestar na suspetsado kaibahan an mga narekober na item asin kagamitan para sa magkakanigong disposisyon.
