Nakadawat ug tabang ang laing batch o grupo sa mga mananagat dinhi sa dakbayan San Carlos Negros Occidental nga gikan sa department of agriculture pinaagi sa Bureau of Fisheries and Aquatic Resources -6 kaganihang buntag.
Kabahin kini sa Cash and Food Subsidy for Marginal Farmers and Fisheries Program sa buhatan ubos sa “Bayanihan To Recover As One Act”.
Nakadawat ang 106 ka mga benipisyaryo gikan sa Barangays Punao, Tres, Singko , Guadalupe, Palampas, San Juan ug Ermita ug tres mil pesos nga cash, tunga sa sakong bugas ug duha ka tray sa itlog, ug duha usab ka dressed chicken.
Matod pa ni Coastal Resources Management CRM Incharge Melvin Maglayon nga anaa na sa 307 ka mga mananagat ang nakabenipisyo sa maong programa.
