Pulos karon gipanghaya sa usa ka punerarya sa Sasa ang welder ug lady-guard human sila nabugtuan sa ilang hinulamang kinabuhi human sa nahitabong krimen sulod sa girentahan nilang balay sa Dumandalas, Buhangin, Davao City sa miaging Sabado sa kadlawon.
Subay sa imbestigayon sa Buhangin Police Station, una niini niadtong Biyernes sa gabie nag-away ang suspek giilang si Romeo Nepomuceno, 41-anyos samtang ang bitkima giilang si Elvie Villanel, 38-anyos usa ka lady guard nga parehong nagarenta sa maong lugar.
Kadlawon sa Agosto 7, nakugang na lamang ang ubang renters dihang nagpakitabang na ang lalaki aron manawag og ambulansya human iyang gidunggab ang kaipon samtang siya ang nakahiagom usab og mga dinunggaban.
Daling niabot ang mga sakop sa Central 911 apan wala nay senyales nga mabuhi pa si Villanel samtang ang suspek gidala sa Southern Philippines Medical Center apan nakabsan gihapon sa iyang kinabuhi pipila ka oras ang milabay.
Gituohang naghiko ang suspek kon asa nagdunggab kini sa liog apan possible usab matud pa nga nakabalos pa ang asawa gumikan sa kumosyon nga nahitabo sulod sa ilang kwarto.
Patayng lawas sa duha giatiman na sa usa ka punerarya sa Sasa samtang ang mga ebidensya sa crime scene ang anaa na karon sa Regional Crime Laboratory alang sa examination. Testimonya sa usa sa silingan sa duruha permi matud pa silang mag-ayaw gumikan sa sobraang kaseloso sa lalaki. BNFM-Davao
