LEGAZPI CITY – Pig-alokar kan Technical Education and Skills Development Authority (TESDA) Bicol an labi sa kabangang milyones de pesos na kantidad ki pondo sa rehiyon para sa mga programang scholarship, kun sain 42% an itatagama para sa probinsya kan Albay.
Pig-enganyar ni TESDA Albay Director Mariglo Macabuhay-Sese an publiko na mag-avail kan naunambitan na mga programa huli ta igwa nin haros 5,520 slots para sana sa probinsya.
Segun kay Sese, an mga abilableng kurso iyo an may mga kinaaraman sa construction, agriculture, tourism, maintenance, asin engineering na hasta sa bulan sana kan Disyembre ngunyan na taon.
