Natagpuan na ng Philippine Coast Guard (PCG) ang labi ng nawawalang tripulante ng lumubog na motor tanker na Terra Nova sa Limay, Bataan.
Nakita ito ng mga tauhan ng PCG na sakay ng BRP Melchora Aquino.
Nauna nang nailigtas ng ahensya ang 16 na tripulante kasunod ng paglubog ng MT Terra Nova kahapon ng madaling araw habang naglalayag sa karagatan.
Karga-karga nito ang mahigit isang milyon litro ng industrial fuel oil.
Ipinagutos rin ni PCG Commandant, CG Admiral Ronnie Gil L Gavan, ang pagpapakalat ng tatlong 44-meter multi-role response vessels (MRRVs) para dagdagan ang patuloy na oil spill response operations sa Bataan.
