Natuklasan kamakailan ng mga siyentipiko ang labi ng sinaunang croc predator – at ang huling pagkain nito na napanatili nang maayos – sa Great Australian Super Basin, sa isang site na itinayo noong panahon ng Cretaceous (mga 145.5 milyon hanggang 65.5 milyong taon na ang nakalilipas).
Ayon sa ulat ng mga mananaliksik sa isang bagong pag-aaral, kahit anya ang croc fossil ay nawawala ang buntot, hulihang mga paa at karamihan sa pelvis nito, buo ang bungo at mga buto mula sa natitirang bahagi ng katawan nito.
Ito ay may sukat na higit sa walong talampakan (2.5 metro) ang haba noong ito’y namatay at malamang na mas lumaki pa kung ito ay nabuhay.
Tinawag nila ang buwaya na ‘Confractosuchus sauroktonos’ na ibig sabihin ay isang subo (katulad ng dinosaur na halos nilunok ng higanteng crocodilian).
Ang bagong tuklas na ito ay nagbigay ng unang tiyak na katibayan na nagpapakita na ang mga dinosaur ay kinakain ng mga higanteng Cretaceous crocs, ayon sa ulat ng mga siyentipiko.
Dahil ang mga buto ng maliit ng dinosaur ay masyadong marupok upang alisin mula sa bato sa kanilang paligid, ini-scan ng mga mananaliksik ang tiyan ng croc gamit ang X-ray computed tomography (CT) na aparato at pagkatapos ay lumikha ng digital at 3D na modelo ng mga pinong buto.
Kinakalkula nila na ang ‘ornithopod’ ay tumitimbang ng halos 4 pounds (1.7 kilo).
Habang ang mga nilalaman ng tiyan ng croc ay nagpapakita na ang huling pagkain nito ay isang maliit na dinosaur, malamang na ang predator ay kumakain din ng iba pang mga Cretaceous na hayop.
Samantala dahil sa kakulangan ng maihahambing na mga pandaigdigang specimen, ang prehistoric crocodile na ito at ang huling pagkain nito ay patuloy na magbibigay ng mga pahiwatig sa mga relasyon at pag-uugali ng mga hayop na nanirahan sa Australia milyun-milyong taon na ang nakaraan.### TRIXIE BORRAS, Intern
