BICOL—Abuton sa 4,840 vials nin Astra Zeneca COVID-19 vaccines an nag-abot sa Legazpi City Airport kasubagong aga.
Sigun sa Department of Health (DOH), nakaalokar an bakuna para sa priority groups A1, A2, asin A3 kun sain kadaklan para sa second dose.
Tulos man an mga ining inara sa cold storage facility kan DOH Bicol CHD para sa pag iimbentaryo.
Kada vial kan Astrazeneca, naglalaman nin sampulong doses nin bakuna.
Dae man binanggit kun sain na mga probinsya ini nakaalokar asin kun pirang doses an itatao sa kada probinsya.
Mientrastanto, preperado na an rehiyon Bicol sa pag akomodar nin Pfizer vaccine makalihis na mai-turn over na sa DOH an ultra-low temperature freezer.
An nasambit na freezer nasa -70°c to -80°C na iyu an kinakaipuhan kan Pfizer vaccine. Kaya suboot kaining magsaray nin 140,000 vials o 840,000 doses nin bakuna.
Binakal ini kan LGU Legazpi asin paramientras ngunang gagamiton kan DOH-CHD ngani maalokaran na man an Bicol nin Pfizer vaccine.### || SLM
