LEGAZPI CITY – Ipinagselebrar kasuhapon kan Social Security System (SSS) an taunan nindang Pensioners Day asin an ika-66 na anibersaryo sa Embarcadero de Legazpi.
Labi 300 na mga retired SSS pensioners an nagpartisipar sa nasambit na aktibidad.
Manlaen-laen na aktibidad an pigpreparar kan SSS Legazpi siring kan libreng gupit, check-up, asin lecture manungod sa health and wellness asin igwa man na mga pakawat para sa mga pensioners.
Ipinaliwanag man an manungod sa Pension Loan Program (PLP) kun saen makakapag-loan sinda ninn hasta sa PHP200,000 base sa kantidad nin bulanang pensyon.
Mientrastanto, atendir man sa an bise-presidente kan Luzon-Bicol Division kan SSS na si Lynette Samblero.
