LEGAZPI CITY – Inanunsyar kan Technical Education and Skills Development Authority (TESDA) Albay na sa ngunyan igwa na nin mga scholarship slots an saindang opisina na pig-oopresir sag abos na nagmamawot magbale sa saindang training programs.
Sa intrevista kan Brigada News FM Legazpi kay Provincial Director Mariglo Macabuhay-Sese, sinabi kaini na maabot sa labi unmil o kabilugang numero na 1,173 scholarship slots an naaprubahan sa ultimong semana kan nakalihis na bulan.
Segun saiya an mga slots na ini inoopresir sa irarom kan Training for Work Scholarship Program, Tulong Trabaho Scholarship Program asin iba pa.
Sakop su boot kaini an manlain-lain na sektor nin trabaho kaibahan an agrikultura, turismo asin konstruksyon.
Sa ngunyan, pangapodan ni Sese sa gabos na interesado, mag-browse sana sa official website kan TESDA asin nakabugtak su boot duman an gabos na mga programa kan ahensya pati man an mga eskwelahan kun sain ini pig-oopresir asin an units kada programa.
