LEGAZPI CITY – Makakaresibe ki pig P3,000 kada saro an nasa 1,414 tricycle driver gikan sa Daraga, Albay para sa ikaduwa asin pantulong batch kan Ayuda para sa Kapos Ang kita Program (AKAP).
Sa intrevista kan Brigada News FM Legazpi kay Public Safety Office (PSO) Daraga Public Information Officer Lorenzo Bañas, sinabi kaini na isasagibo an distribusyon sa Daraga Covered Court puon ngunyan na aldaw Hunyo 19 hasta saaga huwebes Hunyo 20 kun sain an mga tricycle driver na pinili asin kwalipikado iyo an may mga prangkisa, lisensya asin may linya o parada.
Sa ngunyan, pagnatapos na an naunambitang distribusyon maabot na sa 2,043 an total na nagin benipisyaryo kan siring na programa sa banwaan.
