LEGAZPI CITY – Maabot sa labi 1,000 na mga kanditato sa Barangay asin Sangguninang Kabataan Election (BSKE) 2023 an nakisumaro sa Peace Covenant Signing and Candidates Forum kan Philippine National Police (PNP) sa banwaan kan Camalig.
Obheto kan aktibidad na masiyertong magigin organisado an eleksyon sa paagi kan pagtatao nin importanteng ideya asin impormasyon sa mga makandidato, mga tagasuporta, asin an mga maboto.
Sa paagi kaini, pigtukar ni Commission on Elections (COMELEC) Election Officer III, Atty. Mary Mae Z. Caceres sa mga aspirantes an mga giya sa eleksyon, mga magigin kawsa nin diskwalipikasyon siring kan premature campaigning.
Kasarabay na digdi an pagpapasabot sa pag-file nin Statement of Contributions and Expenditures (SOCE) kan gabos na nagdalagan sa naunambitang elesyon mapa daog man an mga ini o gana.
