LEGAZPI CITY – Maabot sa labi 100 na mga fish pond operator sa Legazpi City na naapektaran kan maraot na panahon an nakatalaang makaresibe ki tilapia fingerlings sa bulan kan Oktubre.
Segun kay City Agriculturist Shiela Nas, saro ining paagi nganing matabangan an mga parasisira na daing nakukuang pagkaon o hanapbuhay sa kadagatan huli sa raot kan panahon.
Obheto kaini na makatabang man nganing igwa sinda makaon sa uroaldaw asin igwa sindang mapagkikitaan en kaso dai makapaglawod sa kadagatan.
