DAKO ang pagpasalamat ni Gensan City Schools Division Superintendent Romelito Flores sa tanang sakop sa DepEd Gensan nga nagserbisyo ug mitabang aron mahimong han-ay ang eleksyon.
Matud niini ang pagsakripisyo sa mga magtutudlo ug uban pa nga mga volunteers usa nga nagapakita og paghigugma saatong nasod.
Kahibaloan nga gipakatag sa nagkadaiyang cluster precints ang mga magtutudlo ug adunay nagkadaiyang task aron maoy mag-assist sa tanang botante, labaw na ang pagmintinar sa mga health ug safety protocols nga kinahanglang masunod sa mga tawo. Ug sila usab ang ginadoolan sa mga botante kung adunay mga kakulian sulod sa presento.
Tungod sa hiniusang pwersa sa mga magtutudlo, volunteers, taga Comelec ug mga personahi sa kapulisan nahimong hapsay ug malamposon ang eleksyon niadtong Lunes. I Enamie Mogpon
