NAGHATAG paklaro ang labaw sa City Housing Office kalabot sa ilang pagdawat sa lubong sa Antonio Acharon Memorial Park ilabi na sa COVID-19 related deaths.
Sumala kay Department Head II Marry Ann Tan ang Almeria Funeral ang nag-inusarang Funerarya nga gitugotan nga mo-atiman sa mamatay nga may kalabotan sa COVID-19 ug aduna nay protocol nga ginasunod.
Ginasigurado nga may lenin, may body bag ug ang lungon nga siguradong sirado.
Samtang ang concern ni Tan sa ACAMP nga i-observe ang 8am to 5pm nga burial nga mahatud sa ACAMP kay kon may clearance na sa Taskforce MDM andam na ang tanan ug wala gina-require ang proseso nga death certificate adunay bayrunon sama sa normal nga proseso.
Gidugang ni Tan nga mamahimo nga case to case basis lang ang malubong sa dis-oras sa gabei aron nga dili ma-abuso sa taga punerarya nga ginahatod tag alas 7 na sa gabei ug kulang sila sa tawo.
Nakalubong na daw usab sila og patay alas 9 sa gabei kay naghangyo ang pamilya nga hulaton pa ang asawa nga nagbyahe pa gikan sa Davao mao nga ilang gihulat.
Gipaklaro usab ni Tan nga sa kaso sa namatay nga lalaki nga wala nasulod sa tambalanan unya namatay siya ang nakahatag giya sa estasyon nga giduolan sa pamilya mao nga nadala sa punerarya ang namatay, niagi sa post mortem ug sa swabtest ug i-prepare sa punerarya.
Aduna usab tulo ka kapilian ang mga pamilya nga mamatayan gumikan sa COVID-19, una sa pampublikong sementeryo, ikaduha sa pribadong sementeryo ug ikatulo ipa-cremate, dependi na sa kagustohan sa pamilya. ( Ever Diazon)
