GIBUTYAG ni Arjohn Gangoso, tigpamaba sa Department of Health kun DOH-12 nga as of September 5, anaa sa 51.30 percent ang bed occupancy sa COVID-19 referral facilities sa region-12.
Segun ni Gangoso nga aron malikayan nga mapuno sa hingpit ang mga kama alang sa COVID-19 patients sa mga ospital, musulti dayun sa BHERTS kung may simtomas sa maong sakit.
Kini aron usab ma-refer dayun sa husto nga facility ug mahatag ang hustong intervention ug malikayan ang pagtinakdanay
Dili gusto nga muabot sa punto nga maghulat ang pasyente sa iyang sakyanan o sa gawas sa ospital sama sa nahitabo sa Cebu bag-o kini ma-accommodate.
Sa gihapon gisubli ni Gangoso nga kinahanglan lang mahimong responsable ang tanan sa pagsunod sa minimum public health standard aron malikayan ang pagtakod sa virus, ma-orihinal man nga COVID-19 ug ubang variants.
