LIMA ka kopya sa Certificate of Candidacy kon COC unya sigurohon nga tugma kini sa position nga daganan sa usa ka kandidato alang sa 2022 election.
Sa pahayag ni Gensan Election Officer Atty. Sittie Sharmaine Papandayan Garangan ang Filing of Certificate of Candidacy sa umaabot na nga Oktubre 1-8 sa 2021.
Ang requirements sa paglansar ang mga musunod, lima ka kopya sa COC unya sigurohon nga tugma sa position nga daganan sa kandidato, mahimo nga ma-download sa Comelec website ang form unya ipa-notaryo.
Ang dugang rekositos ang COC dapat adunay passport size picture ug kon may Certificate of Nomination and Acceptance kon apelado sa partido,kon independent candidate dili na kinahanglan ang CONA, unya ipadikit ang documentary stamp gikan sa Bureau of Internal Revenue kon BIR sa COC.
Gidugang ni Atty. Garangan nga kon mahimo personal ang pag file og COC aron nga malikayan ang kalangay ug mga question sa legality, dili usab pwede ang virtual nga filing.
Samtang sa karon palang ginapahinumdom ni Atty. Garangan nga sa panahon sa filing sa kandidatura ang mga kandidato lang ang ilang ginatugotan nga mosaka sa ilang opisina, ang mga taga suporta ug media mohulat lang sa ubos nga bahin isip pagsunod sa health protocol. ( Ever Diazon)
