PADAYUN nga nagahulat sa final decision gikan sa Office of the President ang opisina sa Soccsksargen Federation of Fishing and Allied Industries Inc. kun SFFAII alang sa pagtambong ni Pangulong Ferdinand “Bongbong” Marcos Jr. sa ipahigayong ika-22 nga National Tuna Congress sa September 1-2, 2022.
Segun ni SFFAII President Dominique Salazar nga padayun ang pakig-alayun sa ilang opisina ngadto sa opisina usab sa Pangulo tungod sa nasabtan niini busy ning panahuna ang presidente.
Gidugang ni Salazar kung dili makaabot ang Pangulo madayun gihapon ang Tuna Congress ug kung moabot usab, nga ilahang gipanghinaut, andam gayud sila alang niini.
Nagtuo usab si Salazar nga usab basta basta mohatag og kumpirmasyon sa pag-abot sa Pangulo tungod sa seguridad apan kung duol na ang maong aktibidad posibleng pahibaluon usab sila dayun.
Gawas kang Pangulong Marcos, ang uban pang mahimong bisita silang Sen.Villar, DILG Secretary, DOLE Secretary ug may mga speaker nga maghisgot kalabot sa tuna stock, cannery, fresh frozen ug market opportunities nga maggikan pa sa Amerika, mga nasud sa Asia, China ug ubang nasud.
