NAGLUSAD na ang Philippine National Police og regionwide pursuit operations sa Central Mindanao batok sa grupo sa mga lawless elements nga responsable sa pagpamanhig sa police team nga nagsilbi sa mga proseso sa korte sa Ampatuan, Maguindanao alas 9 sa buntag sa adlawng Martes, Agosto 30.
Nanguna sa nahisgutang operation ang Provincial Mobile Force Companies sa Maguindanao Police Provincial Office sa mga lugar nga nakapalibot sa Brgy. Kapinpilan, Ampatuan, Maguindanao kung asa nahitabo ang pagpamanhig nga gikamatay sa duha ka personahe sa
PNP.
Gialerto na usab sa Bangsamoro Region ug Police Regional Office 12 ang Police Regional Mobile Forces alang sa posibleng pagharang sa usa ka armadong grupo nga gipamunuan ni Abdulnasser Saptula Guianid nga gituohang responsable sa pagpatay sa duha ka personahe sa PNP, lakip dinhi ang town Police Chief sa Ampatuan, Maguindanao nga si PLt. Reynaldo Samson.
