Kinoronahan na si Krishnah Gravides ng Baguio City bilang Miss World Philippines 2024 na ginanap sa SM Mall of Asia Arena.
Ipinakita ni Krishnah ang kaniyang kagandahan at kahusayan na nagpabilib sa mga hurado at mga manonood.
Bukod sa pangunahing korona bilang Miss World, hindi rin siya nagpahuli sa pag angkin ng iba pang mga parangal. Isa na rito ang ‘Best in Evening Gown” at “Best in Swimsuit”.
Dagdag pa rito, siya rin ay napili bilang Miss Skin by Cathy Valencia, Miss Photogenic, Miss Hello Glow, Miss Procap, at Miss Dr. Leo awards.
Kasabay ng kaniyang parangal, itinanghal din ang iba pang mga kandidata na si Dia Mate ng Cavite bilang Reina Hispanoamericana Filipina, Nikki Buenafe (Pangasinan) na Miss Multinational Philippines,Patricia Bianca Tapia (Batangas) bilang Miss Tourism Philippines at ang Face of Beauty na si Jeanne Isabelle Bilasano ng Bicol Region.
